1 اے بھائیواور بہنو! میری د لی خُواہش اور دُعا ہے کہ اسرائیل نجات پائے۔ 2 میں اِس بات کی گواہی دیتا ہوں کہ وہ اپنے دل میں خُدا کے لیے غیرت تو رکھتے ہیں مگر بغیر رُوحانی سمجھ کے۔ 3 وہ خُدا کی راستبازی کو جانے بغیر اپنی راستبازی کو قائم کرنے کی کوشش میں لگے رہے اور خُدا کی راستبازی کے تابعِ نہ ہوئے۔
4 مسیِح نے شریعت کے مقصد کو اپنے میںپُورا کر دیا ہے تاکہ جو اُس پر ایمان لائے وہ راستبازٹھہرے۔
نجات سب کے لیے:
5 مُوسیٰ ؔنے لکھا ہے کہ شریعت کے وسیلے اُسی وقت را ستباز ٹھہر سکتے ہیں جب اُس کے سارے احکام پر پُورا پُورا عمل کیا جائے۔
یہ وہی ایمان کا کلام ہے جس کی ہم منادی کرتے ہیں۔ 9 اگر تو اپنے مُنہ سے مسیِح یسُوعؔ ؔکے خُداوند ہونے کا اقرار کرے اور اپنے دل سے ایمان لائے کہ خُدا نے اُسے مُردوں میں سے زندہ کیا ہے تو نجات پائے گا۔ 10 کیونکہ راستبازی کے لیے ایمان لانا دل سے ہوتاہے اور نجات کے لیے اقرار مُنہ سے کیا جاتا ہے۔ 11 اِسی لیے کلام میں لکھاہے کہ جو کوئی مسیِح پر ایمان لائے گا شرمندہ نہ ہو گا۔ 12 چاہے یہودی ہو یایُونانی خُدا کے نزدیک کچھ فرق نہیں کیونکہ وہ اپنے سب دُعا کرنے والوں کو کثرت سے برکت دیتا ہے۔
13 کیونکہ جو کوئی اُس کا نام لے گا نجات پائے گا۔ 14 کوئی اُس کا نام کیسے لے جب اُس پر ایمان نہیں لایا؟ اور جب تک اُس کے بارے میں سُنے نہ تو ایمان کیسے لائے؟ اور بغیر منادی کے کیسے سُنے؟ 15 اور جب تک کوئی بھیجا نہ جائے منادی کیسے ہو؟
؎چُنانچہ لکھا ہے کہ: ”کیا ہی خُوشنما ہیں اُن کے قدم جو سلامتی کی خُوشخبری لاتے ہیں۔“ (یسعیاہؔ ۵۲: ۷)
16 مگر سب نے اِس خُوشخبری کو قبُول نہیں کیا۔ جیسا یسعیاہؔ نے کہا: ”اے خُداوند ہما رے پیغام کا کس نے یقین کیا؟“ (یسعیاہؔ ۵۳: ۱) 17 پس ایمان سُننے سے پیدا ہوتا ہے اور سُننا مسیح کے کلام سے۔ 18 تو کیا بنی اسرائیل نے یہ پیغام نہیں سُنا؟ بے شک سُنا! چُنانچہ کلام میں لکھا ہے کہ: